Istwa

1945 - JOU LI TE FÈT

Edir Macedo te fèt nan jou 18 fevrye 1945, nan yon ti vil ki rele “Rio da Flores – Rio de Janeiro” – Brezil. Li se katryèm pitit Mesye Henrique Bezerra e Madam Eugênia de Macedo Bezerra, Medam Geninha, sa se kòm moun ki pi pre li yo te konn rele li. Fanm lan te akouche 33 fwa, sepandan se sèlman sèt pitit ki pa mouri.

“Mwen menm, frè ak sè m yo te elve avèk yon papa ki te sevè anpil, li te nève ak reprimande nou nan yon fason sève ak agresif. Disiplin lan se te yon règ envyolab nan kay m nan. Manman m ki te yon moun dous e benevòl ki te kreye nou avèk lanmou ak yon gwo zèl ki ba li pitit ki pa rebèl”

1971 - MARYAJ LA

Apre yon rankontre avèk Bondye, objektif Edir Macedo se te soti byen nan chwazi yon fanm pou li marye. Lè sa a, li te jwenn yon bèl ti jèn fi ki rele Ester Eunice Rangel, yon ti fi espesyal ki te elve nan yon fanmi evanjelik. Yo te menaje pou yon ti tan, fyanse, apre sa, yo te fin marye. Nan 8 mwa, yo menaje, fyanse ak marye. Yo te fin etabli yon alyans nan yon serimoni fèt nan legliz ki te rele “Nova Vida” nan katye “Bonsucesso, Rio de Janeiro – Brezil.

“Yon fèt senp, men yon bagay m pa ka bliye li. Foto maryaj m yo esprime ki se pa ti kontan m te kontan, plen avèk lajwa avèk fyansè m nan. M te gen yon bèl souri nan figi m. Depi jou sa, mwen menm ak Ester te vini yon sèl moun”. Evèk Macedo

1975 - YON MALADI KI TE POTE LAVI

Ti jèn ak bèl koup la tap espere pou dezyèm pitit la, Viviane, men imaj yo te wè a, apre yo resevwa ti bebe a tapral make lavi yo pou toutan. Li te fèt mès anpil epi avèk zorèy ak figi li defòme. Li te fèt avèk yon maladi ki rele “fente labiale ak palatine”.

“Ester tap eseye siye figi li ki te plen ak dlo ki te soti nan je li. M te kriye menm jan an tou, men m te leve panse m yo nan Bondye. M te santi fò nan yon fason m pat ka esplike. Doulè m yo te fè m vini bò twòn Bondye a, epi m te deside priye. Sepandan, sa se pat yon priyè nòmal. M te fèmen men m yo epi avèk yon gwo revòlt, m te frape kabann nan plizyè fwa.

– Bondye mwen, kounye a la, pèsonn pap janm kanpe m ankò. Pap gen fanmi, madam, lavni, santiman, anyen! Pèsonn pap ka kanpe m! Pèsonn, pèsonn! Sa ase pou mwen! Sa ase pou mwen!

Nan moman sa, Legliz Universal te fèt”

1977 - TI PLAS KI RELE “MEYER”

Tout bagay te komanse nan yon ti plas ki rele Meyer, nan yon kote ki pòv nan lavil Rio de Janeiro – Brezil. Chak Samdi a Evèk Macedo te kenbe mikwofòn ak bib la epi li te konn fè travay la nan katye Meyer. Li te konn monte 7 mechanskalye nan ti plas la epi li tap preche pou kèk moun ki te la yo.Sa te premye pa Legliz Universal kote ke prensipal moun ki te ankouraje ak sipòte li se te madam Eugênia, manman evèk la.

“Moun ki te konn pase bò ti plas la, yo te konnen ke yon bagay diferan tap pase nan kote sa. Jiska nan jounen jodia, de tanzantan, m rankontre kèk moun, an jeneral, granmoun, ke di m fason yo te resevwa Delivrans lan atravè kèk pawòl yo te tande nan ti plas la, menm nan yon kote ki te sal e santi mal akòz mandyan ki te dòmi nan plas la. Yo te tande kèk mensaj ki pat nan memwa m ankò, men ki te chanje lavi moun sa yo konplètman”.

1977 - PREMYE LEGLIZ UNIVERSAL

Premye Legliz Universal te fonde nan yon ansyen sal fineray, nan katye Abolição. Premye sèvis fèt nan kote sa a te nan 09 Jiye 1977 fèt pa evèk Macedo, sa te yon sèvis ki te make istwa Legliz la. Yon gwo foul moun tapral resevwa Delivrans depi yon travay ki te komanse nan yon fason senp.

“Ansyen sal fineray la te gen espas pou 225 moun chita, men te gen sèvis ki te vini plis pase 400 moun. Nan moman konsèy endividyèl yo te fòme liy moun youn deyè lòt byen long nan legliz la. Gen kèk fwa, m te pase anpil tan ap bay atansyon pou yon sèl moun. M te asepte goumen ansanm avèk chak grenn moun nan lapriyè ak konsèy dapre prensip pawòl Bondye a”.

1977 - MOMAN DESIZYON AN

Ti jèn Edir Macedo te komanse travay nan yon lotri, nan Rio de Janeiro ak 16 an. Nan kote sa, li te grandi ti pa ti pa, jiska li vin yon chèf kès nan biwo a, sepandan, yon moman te rive ke li te abandone tout bagay akòz levanjil la.

“Travay nan lotri a se te yon garanti ke m te genyen pou asistans sante konplè pou mwen ak fanmi m nan, prensipalman pou pitit ki pi piti a, Viviane. Sepandan, m te bezwen renonse yon salè ki pa pi mal e yon travay nan sektè piblik la kote m te la pandan 16 an. M te fè yon angajman ak Bondye dezan anvan, lè Viviane te fèt, sa vle di, finalman m tapral abandone tout bagay pou m preche levanjil la”.

1984 - LEGLIZ AKERI RADIO “COPACABANA”

Nan epòk sa, legliz tap fè pwogrè avèk plizyè pwogramasyon radyo ak televizyon, malgre li pat reyalize yon ansyen rèv, legliz achte pwòp mwayen kominikasyon. Jiska nan moman ki te vini premye opòtinite a pou yo achte “Radyo Copacabana” sa te youn nan kèk radyo ki pi popilè nan Rio de Janeiro nan epòk sa.

“Pou nou gen kondisyon finasyè pou akeri radyo a, m te vann yon kay m te fin achte nan lavil “Petrópolis”. Radyo a te egzije prezans mwen konstan pou jere tout bagay nan komansman. M te konprann ke sa te youn nan kèk objektif m te genyen pou nou pataje levanjil la.”

1985 - MOISÈS, LÒT PITIT MWEN AN

Moisés te rive nan lavi koup la sèl avèk 14 mwa de vi. Sa te pase nan yon fason enteresan, yon fanm te pote li nan legliz epi li lage nan men Ester. Li te mande yo pran swen ti bebe a pou li. Sa te yon bagay estraodinè, lè evèk la te konfime entansyon fanm lan epi li te kenbe ti bebe a.

“M te wè ti gason an, m te pase men sou tèt li, m te leve li anlè a, epi m te konsakre li bay Bondye nan lapriyè ansanm ak tout moun ki te nan legliz la epi m te di:

– Kounye a la te fèt Moyiz legliz Universal la!

Apre yon jou, nan demen, m te fè pwosesis adopsyon epi m te ofisyalize dosye a.

1986 - KOMANSMAN LEGLIZ UNIVERSAL NAN OZETAZINI

Anvan Legliz Universal gaye toupatou nan lemonn, li te komanse nan Ozetazini, lè evèk la te voyaje a Nouyòk, Legliz la te gen 9 an, apre premye tanp inogire nan Brezil.

“M te konnen Ozetazini se te sant mond lan. M te konsidere kote sa yon chemen ouvè pou nou avanse levanjil la. Pou mwen menm te klè anpil opòtinite peyi a te ofri ba nou pou gaye pawòl Bondye a nan lemonn antye. M te debake pou kò m nan zile Manhattan, pa mwayen envitasyon yon pastè amerikèn, Forrest Higginbothan.”

Nouyòk se te sèl yon pòt ouvè, komansman an, sa vle di, komansman voyaj la nan yon gwo chemen.

1987 - EVENMAN NAN TEREN FOUTBÒL - MARACANÃ

Nan mwa Avril 1987, ane Legliz Universal fè 10 an, se te yon ane san parèy nan sans konsantrasyon ak gwo evenman. Estad Maracanã tapral vini, pou premye fwa, plen avèk yon foul moun lafwa ak fidèl pou Bondye, plis pase nenpòt fanatik foutbòl te fè anvan. Yo te chwazi pou fè konsantrasyon sa nan “Vandredi Sen” yon jou ferye relijyon tradisyonèl kote ke yo te fè sou tèm “Duelo dos Deuses” yon bagay kòm batay Bondye Vivan an kont tout dye mond yo. Li te yon Tèm estratèjik ki te gen kòm objektif montre pou moun ki sèvi lòt dye ke pa gen youn tankou Bondye Vivan nou sèvi nan Legliz Universal.

Lèfini, 200 mil moun te gentan chita twazèdtan, nan Etad foutbòl Maracanã, ap espere pou gran evenman sa. Yo pat janm wè anvan yon gwo evenman kretyen ki te plen etad la konsa.

“Se pa ti kontan m kontan, lè m sonje sa ki te pase a la. Sa se pa yon vanite pou nou te plen etad la, men paske Bondye te ka konte sou mwen. M te vle yon sèl bagay: Sentespri a konte sou mwen pou nou pataje Delivrans lan kote ki plen avèk moun ki te nan soufrans ak doulè”.

1989 - LEGLIZ UNIVERSAL TE RIVE NAN AJANTIN

Nan mwa oktòb 1989 la, travay Legliz Universal te rive nan Ajantin. Nan komansman, 20 fidèl te resevwa batèm nan dlo, nan yon ti legliz. Komansman travay la te difisil anpil. Tout mwayen kominikasyon nan peyi a te vire kont travay legliz la. Sepandan, nou te bezwen montre fòs, se poutèt sa a Evèk la te oganize yon gwo konsantrasyon nan pi gwo etad foutbòl ajantin, “Monumental de Núñes” Etad ekip ki rele “River Plate”.

“Nan jounen jodia, Legliz Universal se yon institisyon yo respete anpil nan peyi a. Nou te akeri yon bèl kote pou legliz Santral nan yon kote pi enpòtan nan peyi a – Gran ri “Corrientes – Almagro”

1989 - TV RECORD

TV Record te plonje nan yon gwo “lanmè” dèt epi li pre pou fè fayit nan epòk sa. Mèt TV a, ki nan epòk la se te yon anteprenè ki rele “Silvio Santos” ansanm ak “Fanmi Machado de Carvalho” tap jere li avèk plizyè dèt.

Apre dialòg la pou fè negosyasyon atravè yon reprezantan legliz la, ki nan epòk sa se te yon Depite ki rele “Laprovita Vieira”, zafè a te evolye rapid, tout moun te vin satisfè epi yo te make yon rankontre nan kay “Silvio Santos” pou finalize biznis la.

“Moun reprezantan “Silvio Santos” yo te di pri a….

M te reponn li: Enbyen ok, m asepte li, pa gen pwoblem!”

1991 - MARYAJ PITIT KI PI GRAN AN, CRISTIANE

Evèk Macedo mennen pitit fi ki pi gran an pou l marye avèk jèn gason Renato Cardoso. Seremoni an te pase nan yon nwit Samdi, nan yon bèl kay kote yo te konn fè fèt nan lavil “São Paulo” Brezil, pou anviwon 300 moun envite epi se te pwòp Evèk la ki te reyalize seremoni an kote li te di pitit fi li a konsa:

“Depi kounye a, pitit mwen, se pral sèl ou menm avèk mari ou, pa gen papa ak manman ankò.”

Li te gen 17 an epi Renato te gen 19 an.

“Anvan m te depoze lavi pitit mwen an nan men Renato, m te anbrase pitit fi mwen an byen fò kote m tap sonje tout sa nou te travèse ansanm. M pa ta vle kite li ale, men se lavi. Pou mwen menm, pitit mwen yo toujou pral kòm “timoun” pou mwen”.

1992 - 11 giorni in prigione

Bò kote machin nan kanpe plizyè moun lapolis avèk mitrayèz, revolvè ak fizi eou yo te brake sou Evèk la ak fanmi li yo. Sa ki te pase a la te sanble plis kòm si yo te vle kidnape li pase yon lòt bagay. Evèk la te resevwa manda arestasyon kote yo te trennen li jete andan machin lapolis kòm yon bandi. Yo te akize sou charlatanism, fò guerizon ak detounen anba. Li te pase 11 jou pou kó li nan prizon.

“M te rele limyè Bondye a pou anvayi fenwa ki te pran lavi m nan moman sa. Tout sanble san direksyon pou mwen. Kote m te ye a pat gen fenèt, limyè solèy la, pa ka wè syèl la. M te santi m kòm si lè a te lou pou respire. Kote a fè m santi m sitèlman mal ki te deranje m. Men sa m pat ka asepte a se yo akize m enjisteman sou krim m pat fè. Bib la te yon refij pwoteksyon pou mwen”.

1992 - MARYAJ PITI FI KI PI PITI A - VIVIANE

Viviane te kite kay paran li yo anvan 20 an menm jan ak sè li ki pi gran an. Li te menaje ènan ak yon mwa apre li te vin fynasè epi li marye, nan jou 25 Jiye 1992. Evèk la te mennen pitit fi ki pi piti a jiska lotèl la pou marye avèk yon jèn pastè oksilyè ki rele Julio Freitas, nan ansyen Legliz Universal nan katye Santo Amaro – São Paulo, Brezil.

“M sonje ke nan moman m te fè lapriyè a m kriye:

– Bondye mwen, lè li travèse moman difisil yo, sonje, Senyè mwen, lapriyè sa – M te pale sou mikwofòn .

Apre m te beni koup la e di: Se pou toulede tounen vini yon benediksyon tankou mwen menm ak Ester, madam mwen an ye”.

1995 - GWO PÈSEKSYON FÈT PA PI GWO KANAL TV BREZILYÈN AN

Tout ane sa te make pa plizyè repotaj kont Legliz Universal atravè pi gwo kanal tv nan peryòd sa ki rele “Rede Globo”. Chak jou a, yo tap montre gwo sak plen avèk demann priye pèp la, sepandan yo tap montre kóm si yo plen avèk lajan ladan li.

“M kwè ke sa ki pi difisil pou Mèt Tv sa se yo wè pwogrè Legliz Universal ki te moute rapid, malgre tout bagay ki mal yo te fè nou. Prizon m nan pat fèmen pòt legliz la, sa te vini egzakteman okontre a, sa te bay legliz la plis avanse. Tanp Legliz yo te vin plen avèk moun ki santi sansib akòz sa ki tap pase ak Legliz la. Yo te konprann ke batay la te enjis anpil”.

2009 - INOGIRASYON KATEDRAL NAN SOWETO - AFRIK DISID

Evèk Macedo te reyalize inogirasyon katedral la nan Soweto. 6 mil afrikèn te pran chèz nan Tanp lan epi plis pase 4 mil akonpanye sèvis la depi deyò tanp lan, nan pakin legliz la. Manke espas pou anpil moun ki te la yo. Sèvis la te fèt an anglè epi anmenmtan yo tradi li pa lang “Xhosa ak Zulu”

“Anplis de priye ak medite sou pawòl Bondye a, nou danse kot a kot avèk timoun, gason ak fi, nou chante anpil. Sa te yon bèl Dimanch, m pap janm bliye li. Nou pwouve pou tout moun ki atravè lafwa pa genyen diferans ant moun blan, nwa, etc. Tout moun se nanm pou Bondye nan Legliz Universal.”

2010 - WÒCH PRENSIPAL TANP LAN

Evènman kote yo te mete Wòch Prensipal la pou kontriksyon Tanp Salomon nan Brezil te reyini yon gwo foul moun nan jou 08 Out 2010. Evèk la te reyalize 2 sèvis ki te gentan montre sa ki tapral vini apre gwo konstriksyon sa ki te genyen referans biblik yo nan pwojè li.

“Depi m te vini yon nouvo konvèti, m tap chache yon gwo espas priyè ki te ka valorize relasyon nou avèk Bondye. Reverans ak krentif sou sa te komanse depi komansman kontriksyon sa nan ane 2010 la. M te akonpanye konstriksyon sa sou chak detay ki nan li. Depi Wòch Prensipal la, gwo poto ki sipote Tanp lan, fason yo fè chèz yo, limyè Tanp yo, Wòch fasad yo, kouvèti Lach Alyans lan, etc”.

2010 - KATEDRAL NAN LAVIL LOS ANGELIS - OZETAZINI

Evèk Macedo te inogire yon bèl ak gwo katedral nan lavil Lozanjelis, Kalifoni – Ozetazini. Li te eseye fè sa pou 22 an, jiska li te gen opòtinite pou inogire prensipal ak pi enpòtan legliz Universal nan Ozetazini.

Konstriksyon sa a, gen 3 gwo sal diferan kote ke youn gen kapasite pou 1.600 moun. Li sitye nan gran ri ki prensipal ak enpòtan nan lavil la, toupre “Hall of Fame” nan yon kote ki byen koni nan “Hollywood Boulevard”

“M te reyalize premye sèvis la nan lang panyòl, men yo te fè li chak jou an anglè menm jan an tou. Sa te yon gwo jou fèt pou nou tout.

2010 - PREMYE KATEDRAL NAN PÒTIGAL

Evèk la te reyalize premye sèvis pou inogire premye katedral nan peyi Pòtigal, nan yon nouvo bilding nan lavil “Porto”. Li gen yon bèl pwojè fèt pa ekip enjinyè legliz la pandan dezan e kat mwa. Li te yon Dimanch inogirasyon pou nou pap janm bliye li.”

2012 - LIV “PA GEN ANYEN POU M PÈDI #1”

Piblikasyon premye liv trioloji sou memwa Evèk la te pote moman desizif ak enpòtan epi li ap pale sou dekouvè espirityèl ke li rankonte avèk richès detay. Yon “vwayaj” enteresan avèk bèl leson pou jodi a ak pou tan kap vini an. Liv la te jwenn yon mak liv yo plis achte, yo te vann plis pase 1 milyon nan 46 evènman ofisyèl nan lemonn.

“Entansyon prensipal liv la se anrejistre avèk pwòp pawòl mwen yo moman konviksyon mwen ki ka ede plizyè moun jwenn vre siyfikasyon pou yo viv lavi a”

2012 - LIV “PA GEN ANYEN POU M PÈDI #1 - NAN PRIZON

Premye aparisyon pèsonèl Evèk la te fè pou piblikasyon liv la se te nan sistèm prisonèl ki rele “Sant Detensyon Pwovizwa ( CDP 3 ) nan lavil São Paulo – Brezil, kote li te fè chak moun ki nan prizon yon liv kòm kado. Aksyon an te yon bagay yo pat fè anvan. Li te fèt pa Legliz Universal kap fè yon gwo travay evanjilizasyon andan prizon. Yo te ba yo kado apeprè 3 mil liv nan jou sa.

“M pat ka rate vini bò isi a. Pou mwen menm, sa enpòtan anpil. M pa ka di se yon plèzi antre bò isi a kote ki gen soufrans ak doulè. Men, lè m di plèzi, m vle di nou rive bò kote moun ki nan soufrans yo epi sa fè nou sonje sa Senyè Jezi a di: Lè yon moun an sante, li pa bezwen dòktè. Se moun malad ki bezwen dòktè. Mak 02:17”.

2013 - LIV “PA GEN ANYEN POU M PÈDI #2”

Piblikasyon liv biografi Evèk Macedo 2, Pa gen anyen pou m pèdi #2” – Defi m yo devan bagay enposib – li te mete ansanm atis, anteprenè, otorite ak jounalis nan lannwit 28 Out la, nan Otèl “Copacabana Palace” nan Rio de Janeiro – Brezil. Yo te vann plis pase 1 milyon liv.

“Pandan plizyè jou, mwen menm ak Ester te rete avèk yon jounalis ki rele Douglas Tavolaro, moun ki ede m ekri liv yo, pou nou sonje chak bagay, an detay, nou te travèse nan lavi a.”

2014 - PREMYE SÈVIS NAN TANP SALOMON - BREZIL

Apre 4 an, yo te inogire Tanp Salomon, nan yon matèn Samdi, 19 Jiye, nan katye ki rele “Brás”, nan rejyon santral Sâo Paulo. Te genyen 10 mil moun andan Tanp lan, yon sèvis ki te genyen sèlman evèk, pastè ki te soti plizyè kote nan Brezil ak nan lemonn kote omwen yon moun reprezantan chak peyi kote gen yon Legliz Universal te vini.

“Sa te premye fwa m tapral preche sou lotèl Sanktyè a. M te antre nan lapriyè. Avèk yon gwo bab blan, Kipa, Talith, Chale, bagay moun jwif yo konn itilize pou antre nan lapriyè. M te tonbe sou ajenou pou premye fwa nan istwa Tanp Salomon”.

2014 - INOGIRASYON OFISYÈL TANP SALOMON

Seremoni ofisyèl inogirasyon an, nan jou 31 Jiye 2014, te yon etap enpòtan nan istwa Legliz la. Tout angajman ak efò nou yo, yo te rekonpanse pa yon bèl seremoni ke nou pap janm bliye li. Inogirasyon an te konte ak otorite peyi ak gwo pesonaj brezilyen ak etranje. Pami yo te gen prezidan Dilma Roussef ki te apresye anpil bote Tanp lan.

“Evèk te deklare nan sèvis la: Si m ta antre nan lavi etenèl nan moman sa a, m pat gen anyen pou m pèdi. M okipe tèt mwen sou anpil bagay, sepandan, se pa pou lavi m nan, sinon pou moun ki nan soufrans kap viv lwen Bondye.”

2014 - LIV “PA GEN ANYEN POU M PÈDI #3”

Na twazyèm liv evèk la “Pa gen anyen pou m pèdi #3 – Soti nan yon ti plas jiska Tanp Salomon: Lafwa ki transfòme”, ap pote ba nou istwa san parèy ak leson de vi evèk la kòm papa ak mari. Nan yon entèvyou enteresan ki rakonte sou maryaj li avèk Ester ki te gentan rive a plis pase 40 an.

“Liv sa se pa yon senp retwospektif, ni menm swiv yon liy kwonoloji kòm nan biyografi tradisyonèl. Objektif mwen yo te toujou pataje esperyans m fè nan lavi m nan ak meditasyon espirityèl pou simante lafwa moun ki kretyen yo epi pou m te ka bay Delivrans pou moun ki pèdi yo.”

2015 - MESYE SILVIO SANTOS VISITE EVÈK MACEDO NAN TANP SALOMON

Nan semèn Tanp lan te konpletè ènan, plizyè moun enpòtan vizite Tanp lan. Mesye Silvio Santos, madam li ki rele Iris Abravanel, pitit li ki rele Renata ak yon zanmi ki se kwafè li, Jassa ki te rann Tanp lan yon vizit. Animatè televizyon ak mèt kanal SBT TV te patisipe nan “pwomenad touristik” nan yon espas ki rakonte istwa legliz la, yo te konnen santktyè Tanp lan tou. Yo te fè ti mache sa ansanm avèk Evèk Macedo ak Ester, madam li an.

“Enpresyone pa tout sa li te wè a, Silvio Santos deklare: Sa te yon enspirasyon divin! Yon bagay byen fèt, sa se pi bèl konstriksyon pase tout bagay m te gentan wè, sa se yon bagay estraodinè!

Nan konvesasyon, Evèk la te fè kesyon pale sou siksè animatè a fè nan lavi a: Sa ki te pase nan lavi ou a se pa pou aza, ou menm se rezilta nan pwomès Bondye te fè Abraram.”

2015 - PREMYE ANIVESÈ TANP SALOMON

Prezantatè Renato ak Cristiane Cardoso te komanse seremoni anivesè a kote ki te genyen plizyè omaj. Nan yo genyen moman yo te fè sonje chak peyi kote gen Legliz Universal atravè yo fè antre plis pase 100 drapo ofisyèl peyi avèk yon chan “Pafen Inivesèl” ekri pa Marcelo Crivella.

Nan dezyèm pati seriemoni an, Evèk la remake enpòtans tout moun envoke Bondye pou reyalize rèv yo.

“Lafwa ak sakrifis fè Bondye travay pou ou. Si ou vin jwenn Bondye avèk tout senserite ou, sètènman ou pap janm dwe vin menm bagay la ankò.