Jan 8:12 « Jezi pale ankò ak foul moun yo, li di: Se mwen menm ki limyè k’ap klere tout moun ki sou latè. Moun ki swiv mwen va gen limyè ki bay lavi a. Yo p’ap janm mache nan fènwa. »

II Korentyen 4:3-5 « Si malgre sa, bon nouvèl m’ap anonse a pa klè toujou, li pa klè pou moun k’ap peri yo. Yo pa kwè paske sa yo pran pou Bondye nan lemonn lan bouche lespri yo. Li enpoze yo wè limyè bon nouvèl la. Se bon nouvèl sa a ki fè nou konnen pouvwa Kris la, li menm ki pòtre Bondye. Konprann sa byen, se pa tèt pa m’ m’ap fè nou konnen: men se Jezikri, Seyè a, m’ap fè nou konnen. Mwen menm mwen di nou se sèvi m’ap sèvi nou poutèt Jezi. »