« 1 Men sa Seyè a di: – Nou tout ki dèyè delivrans, nou tout k’ap chache Seyè a, chonje wòch kote nou soti a, chonje min kote yo wete nou an! 2 Chonje Abraram, zansèt nou an, ak Sara, manman ki fè nou an! Lè m’ te rele Abraram, li pa t’ gen pitit. Mwen beni l’, mwen ba li anpil pitit. » (Ezayi 51:1-2)

« 16 Eske nou pa konn sa: yon nonm ki mete kò l’ ak yon fanm ki nan jennès, li fè yon sèl kò avèk li. Se sa Liv la di: yo tou de va fè yon sèl kò. 17 Men, moun ki mete l’ avèk Seyè a, li fè yon sèl lespri avèk li. » (I Korentyen 6:16-17)