« 25 Si yon moun fè yon lòt yon bagay mal, Seyè a ka pran defans li. Men lè se Bondye menm yon moun fè mal, ki moun ki va pran defans li? Men, mesye yo pa t’ vle koute sa papa a t’ap di yo, paske Seyè a te fin pran desizyon l’ pou l’ te touye yo. » (1 Samyèl 2:25)

« 30 Se poutèt sa, mwen menm Seyè a, Bondye pèp Izrayèl la, men sa m’ap di: Nan tan lontan, mwen te pwomèt mwen t’ap kite fanmi ou ak moun branch fanmi ou yo sèvi m’ prèt pou tout tan. Men koulye a, mwen di: Mwen p’ap fè sa ankò paske m’ap fè bèl bagay pou moun ki gen krentif pou mwen. Men moun k’ap derespekte m’ yo, m’ap fè yo wont. Se mwen menm Seyè a ki di sa. » (1 Samyèl 2:30)