Jenèz 2:24 « Se poutèt sa, gason an va kite papa l’ ak manman l’ pou l’ mete tèt li ansanm ak
madanm li, pou tout de fè yon sèl. »

Matye 19:5-6 « Apre sa li di: Se poutèt sa, gason an va kite papa l’ ak manman l’ pou l’ mete tèt li ansanm ak madanm li. Yo tou de va fè yon sèl kò. Konsa, yo pa de ankò, men yo fè yon sèl kò. Se poutèt sa, pesonn moun pa gen dwa separe sa Bondye mete ansanm. »

Matye 6:24 « Pesonn pa ka sèvi byen ak de mèt an menm tan. Li gen pou l’ rayi yonn si l’ renmen lòt la. L’ap sèvi byen ak yonn, men l’ap meprize lòt la. Nou pa kapab sèvi Bondye ak lajan an menm tan. »