« 13 Antre nan pòt jis la. Paske, pòt ki laj la, chemen ki fasil la ap mennen nou tou dwat nan lanmò. Gen anpil moun ki pase ladan li. 14 Men, pòt ki jis la, chemen ki difisil la ap mennen nou tou dwat nan lavi. Pa gen anpil moun ki jwenn li. » (Matye 7:13-14)

« 15 Se mwen menm Bondye ki anwo nèt nan syèl la, Bondye ki la pou tout tan an, Bondye ki apa nèt la. Men sa mwen di: mwen rete yon kote ki anwo nèt, yon kote ki apa pou mwen nèt. Men mwen kanpe la avèk moun ki soumèt yo devan m’, avèk moun ki gen lapenn tout bon pou sa yo fè ki mal, pou m’ ka remoute kouraj yo, pou m’ ba yo konfyans ankò. » (Ezayi 57:15)

« 71 Pinisyon an te bon nèt pou mwen! Li fè m’ konnen sa ou vle m’ fè. » (Sòm 119:71)