« Paske, Bondye sitèlman renmen lèzòm li bay sèl Pitit li a pou yo. Tout moun ki va mete konfyans yo nan li p’ap pedi lavi yo. Okontrè y’a gen lavi ki p’ap janm fini an. » (Jan 3:16)

« Si nou renmen m’, se pou n’ obeyi kòmandman m’ yo. »
(Jan 14:15)

« Jezi reponn li: Moun ki renmen m’, se li menm ki va fè tou sa m’ di l’ fè. Papa m’ va renmen l’ tou. Papa m’ va vin jwenn li ansanm avè m’, n’a viv nan li.
Moun ki pa renmen m’, li p’ap fè tou sa m’ di l’ fè. Tou sa nou tande m’ap di a, se pa nan mwen yo soti, men se nan Papa m’ ki voye m’ lan yo soti. »
(Jan 14:23-24)